Ministri shqiptar i Administratës Publike, Marash Dukaj ka reaguar ndaj Asamblesë komunale të Zetës, në Mal të Zi, e cila miratoi deklaratë ku pretendojnë anulimin e vendimit shtetëror për njohjen e Kosovës.
Ai përmes një postimi në “X” u shpreh se nuk është befasuar nga ky vendim.
“Deklarata e Komunës së Zetës një hap prapa në ndërtimin e një të ardhmeje evropiane. Nuk jam i befasuar nga Deklarata e Kuvendit Komunal të Zetës për anulimin e vendimit shtetëror për njohjen e Republikës së Kosovës”, ka shkruar ai.
Ao tha se ky është një fenomen i përpjekjeve për të marrë pushtetin e të tjerëve dhe për të cenuar marrëdhëniet miqësore.
“Pa hyrë në elementët kushtetues dhe ligjorë që nuk i japin një akti të tillë politik rëndësi detyruese, ky është ende një fenomen i përpjekjeve për të marrë pushtetin e të tjerëve dhe për të cenuar marrëdhëniet miqësore”.
“Në vend që komuna më e re të bëjë gjithçka për të krijuar kushte më të mira jetese dhe prosperitet për qytetarët e saj, po dëshmojmë një përpjekje për të shpërbërë institucionet përmes devijimeve të pjesëve të sistemit, të gjitha për hir të strategjive specifike gjeopolitike. Padyshim, dhe për fat të keq – një hap prapa në ndërtimin e një të ardhmeje evropiane”, ka shkruar Dukaj
