Në mëngjesin e sotëm ka ndërruar jetë Kaqusha Jashari, një prej figurave më të njohura të skenës politike në Kosovë, e njohur për angazhimin e saj të palëkundur në mbrojtjen e të drejtave të njeriut dhe për kontributin e saj në historinë politike të vendit.
Lajmin e kanë konfirmuar për Televizionin Tëvë1 familjarët e saj.
Kaqusha Jashari ishte kryetare e Lidhjes Komuniste të Kosovës gjatë viteve ’80 dhe një ndër themelueset e Partisë Socialdemokrate të Kosovës (PSD). Ajo do të mbahet mend si një grua e guximshme dhe e përkushtuar ndaj idealeve të barazisë dhe drejtësisë.
Ngushëllimet më të sinqerta familjes, miqve dhe gjithë qytetarëve që e çmuan figurën dhe veprën e saj.
