Vdekja e dizenjatorit të njohur, Festim Isufi, më 9 maj në banesën e tij në Rrugën B në Prishtinë, tronditi opinionin publik dhe ngjalli reagime të shumta në rrjete sociale e media.
Sot, raporti mjeko-ligjor i rastit është dorëzuar zyrtarisht prokurores së çështjes.
Insajderi, bazuar në burime të afërta, mëson se raporti konstaton gjithsej shtatë plagë në trupin e viktimës, nga të cilat pesë janë klasifikuar si të lehta, ndërsa dy si fatale, këtë të fundit në zonën e qafës dhe fytit.
Në të njëjtën ngjarje tragjike, e plagosur ka mbetur edhe bashkëshortja e tij, Rina Maloku-Isufi, e cila është therur me thikë dhe po trajtohet për lëndimet e marra.
Hetimet për këtë rast po vazhdojnë.
Gazeta Insajderi ka kërkuar përgjigje nga prokuroria për rastin, por deri tani nuk kemi pranuar përgjigje.
