Mesfushori anglez Jordan Henderson është rikthyer në futbollin anglez pas dy vjetësh në elitën evropiane. Pas ndërprerjes së kontratës me klubin holandez Ajax, ish-kapiteni i Liverpoolit ka firmosur me Brentfordin, duke nisur një kapitull të ri në karrierën e tij.
Kontrata me klubin londinez do të jetë dyvjeçare, ndërsa Henderson pritet të marrë rolin e Christian Norgaard, i cili u transferua te Arsenali këtë verë.
Për 34-vjeçarin, kjo do të jetë skuadra e tretë në Premierligë, pas përvojave me Sunderlandin dhe Liverpoolin, ku ai bëri histori si kapiten dhe fitoi trofe madhorë si Premierliga dhe Liga e Kampionëve.
Gjatë qëndrimit të tij në Amsterdam, Henderson bëri 57 paraqitje, duke regjistruar 1 gol dhe 9 asistime, para se të zgjidhte të ndërpriste bashkëpunimin me Ajaxin për arsye personale dhe sportive.
Rikthimi i tij në Angli shihet si një hap i rëndësishëm për Brentfordin, i cili kërkon të forcojë mesfushën me përvojë dhe lidership në sezonin e ri të Premierligës.
