Kandidati për kryetar të Prishtinës, Uran Ismaili, mbajti sot një tubim në fshatin Barilevë, ku para banorëve prezantoi planin për zhvillimin e zonës. Ai kritikoi qeverisjet e mëparshme për neglizhimin e fshatrave, duke premtuar se kjo do të ndryshojë pas zgjedhjeve të 12 tetorit.
Plani i tij për Barilevën përfshin ndërtimin e një sheshi dhe çerdheje të re, rregullimin e lumit dhe stadiumit të fshatit, ndriçimin e rrugëve, shtim të subvencioneve për bujqësi, si dhe përmirësim të shërbimeve mjekësore në QMF.
Ismaili tha se Barileva dhe fshatrat e tjera kanë potencial të madh bujqësor dhe turistik, që mund të shndërrohet në burim zhvillimi për të gjithë kryeqytetin.
