Të paktën 14 persona humbën jetën pasi një varkë me emigrantë u fundos në provincën Mugla të Turqisë, njoftoi Zyra e Guvernatorit lokal. Një shtetas afgan që i mbijetoi tragjedisë ngriti alarmin, duke treguar se në bord ishin 18 persona.
Ekipet e kërkim-shpëtimit kanë gjetur dy të mbijetuar dhe 14 trupa, ndërsa operacionet për gjetjen e të tjerëve vazhdojnë me ndihmën e rojes bregdetare dhe një helikopteri.
Deti Egje mbetet një nga rrugët më të rrezikshme për emigrantët që përpiqen të kalojnë nga Turqia drejt Evropës.
