Presidenti Donald Trump po shqyrton një seri opsionesh për sulme ushtarake kundër karteleve të drogës që operojnë në Venezuelë, përfshirë mundësinë e goditjes së objektivave brenda vendit. CNN shkruan se qëllimi i administratës është dobësimi i udhëheqësit Nicolás Maduro.
Sulmi i së martës ndaj një anijeje të dyshuar për drogë, që po nisej nga Venezuela, shënoi një përshkallëzim të fushatës së administratës Trump kundër karteleve, disa prej të cilave janë shpallur si grupe terroriste. 11 persona u vranë gjatë këtij sulmi.
Sekretari i Shtetit, Marco Rubio, ka bërë të qartë se sulmet janë pjesë e një operacioni tw gjerw kundër trafikut tw drogës.
“Ne do të përballemi me kartelet e drogës kudo që janë dhe kudo që veprojnë kundër interesave të SHBA-së”, tha Rubio.
Administrata amerikane ka dërguar një forcë të konsiderueshme ushtarake në Karaibe, përfshirë anije të armatosura me raketa Tomahawk, nëndetëse sulmuese, avionë luftarakë F-35 dhe mbi 4,000 marinarë dhe marinsë, për të demonstruar gatishmërinë dhe për të mbështetur operacionet kundër karteleve.
Trump gjithashtu ka dyfishuar shpërblimin për arrestimin e Maduros në 50 milionë dollarë, duke e etiketuar atë si pjesë të karteleve të drogës dhe “narkoterrorist”. Administrata ka theksuar se të gjitha opsionet janë në tryezë, duke përfshirë edhe përdorimin e forcës ushtarake, nëse është e nevojshme.
Euronews.albania
