Presidenti Donald Trump njoftoi të shtunën se ShBA-ja ka kryer një sulm të madh kundër Venezuelës, i cili ka rezultuar me kapjen e Presidentit Nicolas Maduro dhe bashkëshortes së tij, të cilët janë larguar nga vendi.
“Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, Presidentit Nicolas Maduro, i cili, së bashku me bashkëshorten e tij, është kapur dhe është dërguar me avion jashtë vendit,” tha Trump në një deklaratë të publikuar në platformën e rrjeteve sociale Truth Social.Presidenti amerikan shtoi gjithashtu se operacioni është kryer në koordinim me agjencitë amerikane të zbatimit të ligjit.
