Washington / Paris, 17 qershor 2025 – Ish-presidenti amerikan Donald Trump ka hedhur poshtë deklaratat e presidentit francez Emmanuel Macron, i cili kishte sugjeruar se largimi i Trump nga samiti i G7 në Kanada ishte i lidhur me një përpjekje për arritjen e një armëpushimi mes Izraelit dhe Iranit.
Në një postim në platformën e tij Truth Social, Trump shkroi:
“Macron gabimisht tha se unë u largova nga Samiti i G7 për t’u kthyer në Uashington për të punuar për një ‘armëpushim’ midis Izraelit dhe Iranit. Gabim! Ai nuk ka idenë pse po shkoj tani në Uashington, por sigurisht që kjo nuk ka të bëjë fare me një armëpushim. Ka diçka shumë më të madhe se kaq.”
Këto komente vijnë pas një deklarate të Macron, i cili të hënën tha se Trump kishte ofruar një nismë për armëpushim, duke shtuar se ishte bërë “një ofertë për t’u takuar dhe për të shkëmbyer mendime”.
Trump u largua më herët nga samiti i G7 për t’u kthyer në Uashington, mes tensioneve në rritje në Lindjen e Mesme, por theksoi se arsyeja e kthimit nuk lidhet me ndonjë ndërmjetësim për paqe.
