Presidenti amerikan Donald Trump ka deklaruar se heqja e sanksioneve ndaj Sirisë mund t’i ofrojë këtij shteti një mundësi për të arritur madhështi. Në një konferencë për shtyp në Riad të Arabisë Saudite, Trump tha se sanksionet ndaj Sirisë kanë qenë “shkatërruese dhe shumë të fuqishme”, dhe se heqja e tyre mund të jetë një hap pozitiv.
“Do të heqim të gjitha sanksionet ndaj Sirisë, dhe mendoj se do të jetë një gjë e mirë”, tha Trump. Ai theksoi se qëllimi i SHBA-ve është normalizimi i marrëdhënieve me Sirinë dhe ofrimi i një mundësie për paqe.
Më herët, The Times raportoi se autoritetet siriane po përgatiten të ofrojnë një marrëveshje Trump-it, e cila mund të përfshijë dhënien e aksesit për kompanitë amerikane në zhvillimin e burimeve natyrore të Sirisë, ngjashëm me marrëveshjen e fundit SHBA-Ukrainë.
