Marrëdhëniet mes Serbisë dhe Rusisë po kalojnë një fazë të vështirë, pas deklaratave të Ministrit serb për Integrimin Evropian, Nemanja Starović, i cili njoftoi se Serbia është e gatshme të bashkohet me sanksionet perëndimore ndaj Rusisë në momentin që anëtarësimi në Bashkimin Evropian të jetë në horizont.
Ky qëndrim është përshëndetur nga BE-ja si një sinjal pozitiv për përparimin e Serbisë në rrugën evropiane, por ka shkaktuar reagime të ashpra në Moskë. Zëdhënësja e Ministrisë së Jashtme ruse, Maria Zakharova, tha se udhëheqja serbe duhet të respektojë qëndrimet e qytetarëve të vet, të cilët në shumicë kundërshtojnë vendosjen e sanksioneve ndaj Rusisë.
“Intervista e Ministrit Starović ishte një tronditje për vetë serbët. Nëse ata votojnë për marrëdhënie të respektit dhe bashkëpunimit me Rusinë, udhëheqja duhet ta respektojë këtë dhe të mos i mashtrojë qytetarët,” tha Zakharova.
Serbia ka ruajtur tradicionalisht marrëdhënie të ngushta me Moskën, por po përballet me presion në rritje nga Bashkimi Evropian për të harmonizuar politikën e jashtme dhe për t’u larguar nga ndikimi rus, veçanërisht në kontekstin e konfliktit në Ukrainë.
Situata mbetet në zhvillim e sipër, ndërsa Serbia përpiqet të balancon mes interesave tradicionale dhe aspiratave evropiane.
