Një skandal ka shpërthyer në Kremlin pas zbulimit se Maria Shalaeva, 23 vjeçe, ka udhëtuar me një avion ushtarak rus së bashku me të dashurin dhe djalin e saj 3-vjeçar, duke shfrytëzuar mjetet e Ministrisë së Mbrojtjes për qëllime personale. Ajo kishte postuar në rrjetet sociale se kishte fluturuar drejt Rostovit me avionin Ilyushin-76, në një zonë të ndaluar për fluturime civile. Rasti është lidhur me ministrin e ri të Mbrojtjes, Andrei Belousov, i cili shihet në një video me Shalaevën, megjithëse identiteti i tij ende nuk është konfirmuar.
Postimet, tashmë të fshira, kanë shkaktuar zemërim të madh dhe kanë ngritur shqetësime për sigurinë dhe keqpërdorimin e burimeve ushtarake. Shërbimet sekrete ruse kanë nisur hetimet. Ekspertët paralajmërojnë se informacionet e publikuara mund të kenë komprometuar të dhëna të ndjeshme.
Ndërkohë, një tjetër çështje e rëndë po trondit Kremlinin: ish-ministri Roman Starovoit është gjetur i vdekur me shenja torture, ndonëse vdekja u raportua zyrtarisht si vetëvrasje.
