Mëngjesin e 7 korrikut, në ditën e tetë të protestave në Serbi, qytetarët bllokuan mbi dhjetë rrugë kryesore në Beograd, me kërkesë të studentëve dhe grupeve joformale. Bllokadat nisën nga ora 07:00, përfshirë edhe zona kyçe në Beogradin e Ri.
Policia ndërhyri në disa raste për të penguar bllokimin e rrugëve dhe shtoi praninë në qendër dhe lagje të tjera. Në disa vende, qytetarëve iu kërkuan dokumentet e identifikimit.
Protestat janë pjesë e një fushate “mosbindjeje civile”, të nisur më 28 qershor nga organizata “Studentët në bllokadë”, që kërkojnë përgjegjësi për shembjen tragjike në stacionin hekurudhor të Novi Sadit më 1 nëntor 2023, ku humbën jetën 16 persona.
