Tiranë, 2 tetor 2025 – Këngëtarja e njohur shqiptare, Ronela Hajati, ka ndarë një moment të veçantë me ndjekësit e saj në rrjetet sociale, duke i bërë një urim romantik partnerit të saj në ditëlindje.
Përmes një InstaStory, Ronela publikoi një fotografi pranë të dashurit, të cilën e shoqëroi me një mesazh të shkurtër por plot dashuri:
“Gëzuar ditëlindjen zemër! Uroj që të realizohen të gjitha dëshirat e zemrës”, shkroi ajo, duke marrë menjëherë vëmendjen e fansave dhe mediave rozë.
Edhe pse këngëtarja është rezervuar për të ndarë shumë detaje nga jeta e saj private, ky urim i ngrohtë konfirmon edhe një herë lidhjen e saj dhe afërsinë me partnerin.
Ronela Hajati vazhdon të jetë një nga emrat më të përfolur të skenës muzikore shqiptare, jo vetëm për talentin, por edhe për stilin dhe personalitetin e saj ekspresiv.
