Forca të shumta policore holandeze janë vendosur përreth objektit të Gjykatës Speciale në Hagë, ku po mbahet një protestë me pjesëmarrjen e mijëra qytetarëve shqiptarë.
Policia ka formuar perimetër sigurie përreth gjykatës, ndërkohë që në një park përballë ndërtesës po zhvillohet protesta, e cila ka për qëllim të shprehë kundërshtimin ndaj procesit gjyqësor që po zhvillohet ndaj ish-krerëve të Ushtrisë Çlirimtare të Kosovës.
Tubi i protestuesve ka ardhur nga vende të ndryshme të Evropës dhe më gjerë, ndërsa protesta ka kaluar pa incidente deri më tani. Forcat e sigurisë kanë qëndruar të pozicionuara në mënyrë të organizuar për të garantuar mbarëvajtjen e aktivitetit.
Procesi në Gjykatën Speciale po vazhdon të zgjojë reagime dhe vëmendje publike, sidomos në qarqet shqiptare, ku çështja vazhdon të konsiderohet e ndjeshme.
