Një ngjarje e pazakontë dhe e papranueshme ka ndodhur në edicionin e dytë të spektaklit “Ferma VIP”, ku tensionet mes konkurrentëve kanë kaluar çdo kufi.
Protagoniste e këtij incidenti është këngëtarja dhe banorja e fermës, Big Mama, e cila ka shpërthyer në ofendime të rënda ndaj bashkëfermeres Alba.
Debati i ashpër mes dy pjesëmarrëseve ka ndodhur në ambientet e fermës dhe ka degraduar deri në një veprim skandaloz – pështyrjen, e cila ka shkaktuar reagime të ashpra në rrjete sociale.
Në një moment nervozizmi, Big Mama ka ofenduar Albën me fjalë tejet fyese si: “pise femër”, “njeri pa dinjitet”, “pa moral” dhe “idiote”, ndërkohë që përdori edhe fjalor të papërshtatshëm në gjuhën serbe. Por ajo që tronditi më shumë ishte akti i saj i pështyrjes ndaj Albës, që është konsideruar nga publiku si tejkalim i çdo norme etike dhe njerëzore.
