Papa Léon ka shprehur shqetësimin e tij për ndikimin që mund të ketë inteligjenca artificiale (IA) në zhvillimin intelektual dhe neurologjik të fëmijëve dhe të rinjve. Në një mesazh drejtuar pjesëmarrësve të Konferencës së Dytë Vjetore për IA në Romë, Papa theksoi se “qasja në të dhëna nuk duhet të ngatërrohet me inteligjencën”.
Ai nënvizoi se ndërsa IA ka sjellë përparime në fusha si kërkimi shëndetësor dhe shkenca, ajo ngre pyetje të rëndësishme mbi aftësinë për të kuptuar realitetin dhe mund të sfidojë dinjitetin e njeriut.
Kjo është hera e parë që Papa Léon , i zgjedhur në maj 2025 dhe me diplomë në matematikë, merr një qëndrim të thelluar mbi IA, duke theksuar sfidat etike që ajo sjell për shoqërinë, veçanërisht për të rinjtë.
Sipas raportit të Reuters nga Oxford, përdorimi i IA për informim është më i përhapur tek të rinjtë, duke ngritur edhe më shumë nevojën për vëmendje në këtë fushë.
