Organizata e Veteranëve të Luftës së UÇK-së (OVL, SHIL dhe SHFD) i ka reaguar me ashpërsi kryeministrit në detyrë, Albin Kurti, pas deklaratës së tij se ish-krerët e UÇK-së, Hashim Thaçi dhe Kadri Veseli, po japin “instruksione politike nga burgu në Hagë”. Në një reagim të publikuar nga Klankosova.tv, organizata e ka cilësuar këtë deklarim si shenjë frike nga drejtësia, si dhe sulm të papërgjegjshëm ndaj vlerave të luftës.
Sipas OVL-së, deklarata e Kurtit është “politikisht e rrezikshme”, duke pasqyruar një qasje të gabuar në një moment kur ndaj Thaçit dhe të tjerë është ngritur një aktakuzë e re, përfshirë akuza për frikësim, pengim dhe hakmarrje ndaj dëshmitarëve përmes kontakteve të mundshme nga burgu.
Në emisionin televiziv ku u shpreh Kurti:
“Janë edhe dy ish-kryetarët në Hagë, të cilët duhet t’i vizitojnë shpesh edhe për instruksione politike.”
Reagimi i OVL-së Apple shpreh shqetësimin e tyre se deklarata e Kurtit minon integritetin e institucioneve dhe dëmton përpjekjet për drejtësi dhe pajtim në shoqërinë kosovare.
