Norvegjia i kërkoi Gjykatës Ndërkombëtare të Drejtësisë që t’i kërkojë Izraelit të lejojë menjëherë qasje të papenguar për ndihmën humanitare në Gaza, ku situata është cilësuar si “makth i gjallë”. Përfaqësuesi norvegjez Andreas Motzfeldt Kravik tha se Izraeli ka detyrime ndërkombëtare që duhet t’i respektojë si çdo anëtar i OKB-së dhe se bllokada mbi Gazën, që zgjat prej më shumë se 60 ditësh, është moralisht e papranueshme dhe ligjërisht e paligjshme.
Norvegjia gjithashtu kërkoi që Izraeli të ndalojë pengesat ndaj Autoritetit Palestinez për marrëdhënie ndërkombëtare dhe theksoi nevojën për një zgjidhje me dy shtete. Nga tetori 2023, mbi 52.000 palestinezë janë vrarë në Gaza, shumica gra dhe fëmijë.
