Sipas një raporti të ri nga Ekipi i Monitorimit të Sanksioneve Shumëpalëshe (MSMT), Koreja e Veriut ka ndihmuar ndjeshëm Rusinë gjatë luftës në Ukrainë, duke i dërguar mbi 11,000 trupa në vitin 2023 dhe 3,000 të tjerë në fillim të vitit 2024, si dhe miliona municione dhe armë të rënda.
Raporti, i publikuar të enjten, detajon se Pheniani ka furnizuar Rusinë me deri në 9 milionë fishekë artilerie, më shumë se 100 raketa balistike, raketahedhës, automjete ushtarake dhe artileri të rëndë. Këto armë janë përdorur për të goditur infrastrukturën civile në Ukrainë, përfshirë qytetet si Kievi dhe Zaporizhzhia.
Në këmbim, Rusia ka furnizuar Korenë e Veriut me teknologji ushtarake, sisteme të mbrojtjes ajrore, pajisje për luftë elektronike dhe naftë të rafinuar.
Raporti thekson se ky bashkëpunim i paligjshëm ka ndihmuar Moskën të intensifikojë sulmet ndaj qyteteve ukrainase, duke rritur ndikimin shkatërrues të luftës.
