Këngëtarja britanike Jessie J ka bërë të ditur se është diagnostikuar me kancer në gji, lajm të cilin e ndau me ndjekësit në një postim emocional. Ajo theksoi se sëmundja është kapur në fazë të hershme, duke shpresuar në një trajtim të suksesshëm.
Jessie J mori lajmin përpara publikimit të këngës së saj më të fundit, “No Secrets”, më 25 prill. Ajo ka njoftuar se do të nënshtrohet një operacioni pas performancës së planifikuar në ‘Summertime Ball’ në Londër, më 15 qershor.
