Ministri i Sigurisë Kombëtare të Izraelit, Itamar Ben-Gvir, ka propozuar masa ekstreme ndaj më shumë se 200 aktivistëve ndërkombëtarë, përfshirë Greta Thunberg, Susan Sarandon dhe aktorin Liam Cunningham, të cilët janë pjesë e konvojit më të madh të solidaritetit që synon të mbërrijë në Gazë.
Sipas raportimeve, Ben-Gvir kërkon që aktivistët të trajtohen si terroristë, të arrestohen dhe të mbahen në regjim të ashpër paraburgimi, pa akses në media apo ushqim cilësor. Po ashtu, planifikohet sekuestrimi i anijeve të tyre për t’u përdorur nga policia izraelite.
Konvoji nis nga Barcelona, Sicilia, Greqia dhe Tunizia, me pjesëmarrës nga 44 vende. Një takim i mbyllur në rezidencën e kryeministrit Netanyahu pritet të përcaktojë nëse strategjia do të miratohet.
Qarqet brenda qeverisë kërkojnë një qasje më të fortë për të penguar përsëritjen e këtyre lëvizjeve në të ardhmen.
