E ardhmja e Mohamed Salah mbetet një temë e nxehtë në futbollin evropian. Ylli egjiptian po shijon një tjetër sezon yjor me Liverpoolin, i cili udhëheq Ligën Premier nën drejtimin e Arne Slot. Megjithatë, me kontratën e tij që skadon në qershor 2025, nuk ka asnjë shenjë rinovimi.
Kampi i Salah ka filluar të eksplorojë opsionet e mundshme pa pritur ofertën e Liverpoolit.Sipas mediumit El Nacional, ai tashmë ka folur me disa klube evropiane, me Interin që del si një pretendentë i fortë.
Kampionët e Serie A e shohin atë si një nënshkrim kyç për sezonin e ardhshëm dhe kanë nisur kontaktet, megjithëse nuk është bërë asnjë ofertë zyrtare.
Ndërkohë, klubet saudite, përfshirë Al-Ittihad, mbeten të interesuara, pasi më parë kanë ofruar mbi 100 milionë euro.
Megjithatë, Salah i jep përparësi futbollit evropian të nivelit të lartë dhe vazhdon të japë rezultate në Ligën Premier.
Liverpooli, çuditërisht, nuk ka lëvizur për të vazhduar marrëveshjen e tij. Me talentet më të rinj si Luis Diaz dhe Cody Gakpo që po fitojnë rëndësi, klubi mund të përgatitet për një tranzicion pa Salah.
Ndërsa kontrata e tij përfundon, hapi i ardhshëm i Salah mbetet i pasigurt. Ndërsa një qëndrim në Ligën Premier nuk përjashtohet, Interi duket se është në ‘pole position’ nëse ai vendos të largohet nga Anfield.
