Bedri Hamza ka reaguar pas zhvillimeve të mbrëmshme në Skenderaj, duke i cilësuar si “skena aspak të mira” veprimet e Policia e Kosovës me Njësi Speciale.
Përmes një postimi në Facebook, kreu i Partia Demokratike e Kosovës tha se njësitë speciale janë dërguar “me urdhër të Qeverisë” dhe se pas tyre ka pasur “prapavija presioni dhe demonstrimi force”.
Hamza i bëri thirrje kryeministrit në detyrë Albin Kurti që të ndalë propagandën, urrejtjen, provokimet dhe, siç tha ai, “keqpërdorimin e shtetit për skenarë partiakë”.
Ai shtoi se “braktisja nga votuesit nuk mund të parandalohet me skenarë të rrezikshëm përçarës”, ndërsa u bëri thirrje qytetarëve dhe votuesve të PDK-së të ruajnë qetësinë dhe të japin përgjigjen e tyre përmes votës në zgjedhjet e 7 qershorit.
