I
dërguari i posaçëm i SHBA-së, Richard Grenell, ka kritikuar presidenten e Komisionit Evropian, Ursula von der Leyen, pas vizitës së saj në Kosovë.
Në një postim në platformën X, Grenell e akuzoi atë për heshtje ndaj mbajtjes në paraburgim për pesë vjet të ish-presidentit të Kosovës, Hashim Thaçi, në Hagë. Ai tha se është “e turpshme” që, sipas tij, mediat kanë injoruar një “ndjekje politike” ndaj Thaçit.
Reagimi vjen në kohën kur Von der Leyen po zhvillon një tur në Ballkanin Perëndimor, duke riafirmuar mbështetjen e BE-së për Kosovën dhe integrimin rajonal në BE. Grenell ka qenë një ndër kritikët më të zëshëm të qasjes së BE-së në dialogun Kosovë–Serbi.
