Gjykata Speciale në Hagë ka njoftuar se Trupi Gjykues II ka caktuar 15 shtator 2025 si datë të synuar për fillimin e paraqitjes së provave nga Mbrojtja në procesin gjyqësor që po zhvillohet.
Megjithatë, kjo datë pritet të konfirmohet zyrtarisht në konferencën përgatitore për Mbrojtjen, e planifikuar të mbahet më 19 gusht 2025.
Në njoftimin e Gjykatës thuhet se paneli gjykues ka lëshuar edhe urdhra shtesë, që lidhen me listat e përditësuara të provave materiale si dhe afatet për dorëzimin e tyre.
Vendimi i plotë dhe detajet përkatëse janë publikuar në faqen zyrtare të Dhomave të Specializuara.
