Komisioni Qeveritar për Persona të Zhdukur ka njoftuar se gjatë rifillimit të gërmimeve në lokacionin “Përzhina” në Rahovec janë gjetur mbetje mortore.
Sipas njoftimit, gjatë punimeve janë hasur pjesë kockore që janë zhvarrosur dhe dërguar për ekzaminim në Instituti i Mjekësisë Ligjore. Po ashtu, gjatë aktiviteteve të fundit janë evidentuar mbetje që, sipas vlerësimit fillestar, i përkasin së paku një individi.
Autoritetet bëjnë të ditur se numri i saktë i individëve dhe identiteti i tyre do të konfirmohen pas analizave mjeko-ligjore dhe identifikimit përmes ADN-së.
Gërmimet do të vazhdojnë edhe në ditët në vijim, në koordinim me Policia e Kosovës dhe institucionet e tjera përkatëse, me qëllim ndriçimin e fatit të personave të zhdukur gjatë luftës në Kosovë.
