Gjashtë zyrtarë policorë janë sulmuar gjatë 48 orëve të fundit në dy raste të ndara në Kosovë.
Të premten në Prishtinë, një person i kërkuar për dhunë në familje sulmoi me tjegull dy policë gjatë kryerjes së detyrës. I dyshuari u arrestua dhe pas intervistimit, rasti u procedua në procedurë të rregullt.
Ndërkohë, të enjten, një tjetër person me urdhërarrest nga gjykata sulmoi katër policë gjatë arrestimit, duke u shkaktuar lëndime trupore. Gjatë kontrollit tek ai u gjet dhe u konfiskua një sasi marihuane dhe heroine. Me vendim të prokurorit, i dyshuari u dërgua në mbajtje.
