Pavarësisht bllokadës institucionale dhe përpjekjeve të dështuara për konstituimin e Kuvendit për herën e 14-të me radhë, dita e sotme në sallat e legjislativit ka sjellë një çast ndryshe — një moment reflektimi, buzëqeshjeje dhe gëzimi personal. Deputetja dhe kandidatja për kryetare të Kuvendit, Albulena Haxhiu, ka festuar ditëlindjen në mesin e kolegëve, duke sjellë një grimcë ngrohtësie në një kohë tensioni politik.
Ndoshta jo ende në fronin e kryekuvendares, por sigurisht në qendër të vëmendjes — me shpresën se dëshira e ditëlindjes, e fshehur mes urimesh dhe tortë, do të bëhet realitet në një të ardhme të afërt. Në fund të fundit, edhe në politikë, ka vend për momente njerëzore.
