Sot dhe nesër në Kosovë po shënohet Dita Ndërkombëtare e të Zhdukurve me Forcë, duke i kujtuar mbi 1.600 qytetarë që ende figurojnë të zhdukur si pasojë e luftës së fundit dhe gjenocidit të kryer nga forcat serbe.
Homazhe dhe aktivitetet zyrtare
Komisioni Qeveritar për Personat e Zhdukur ka njoftuar se homazhet zyrtare do të mbahen sot nga ora 10:45, pranë Monumentit të Personave të Zhdukur.
Gjetjet e fundit dhe punimet në terren
Kryesuesi i Komisionit, Andin Hoti, ka bërë të ditur se:
- Deri tani janë punuar 17 lokacione në Kosovë përmes gërmimeve.
- Në 7 prej tyre janë zbuluar mbetje mortore, të cilat janë dërguar për analizë në Laboratorin e ICMP-së.
- Deri tani janë identifikuar mbetjet mortore të të paktën 9 individëve, por për konfirmim pritet analiza e ADN-së.
- Janë përfunduar gërmimet në Vushtrri dhe Klinë, ndërsa 5 lokacione të reja janë në pritje për t’u hapur.
Bashkëpunimi dhe sfidat
Procesi i kërkimit vazhdon me përpjekje të shtuara brenda territorit të Kosovës, ndërsa mbetet nevojë e madhe për bashkëpunim konkret nga pala serbe, për të ndihmuar në ndriçimin e fatit të të zhdukurve.
