Këngëtarja e njohur Dafina Zeqiri ka reaguar ashpër pas shpërndarjes së fotove dhe videove nga varrimi i vëllait të këngëtarit Gjesti, që qarkulluan në media online dhe rrjete sociale.
Në një postim të gjatë në rrjetet e saj, Zeqiri u shpreh e tronditur nga ajo që kishte parë dhe theksoi rrezikun që rrjetet sociale mund të paraqesin kur përdoren në mënyrën e gabuar.Rrjetet sociale janë të fuqishme, por gjithashtu të rrezikshme. Janë ndërtuar mbi vëmendjen, por nuk duhet të glorifikojnë llojin e gabuar të saj. U trondita kur pashë njerëz duke xhiruar me telefona në një varrim. Dhe disa ‘VIP-a’ që jepnin intervista e mburreshin online me atë që u ishte thënë. Disa të ashtuquajtur gazetarë bënin pyetje të parëndësishme, duke e kthyer dhimbjen e një familjeje në skenë për veten e tyre. Kjo është absurde, çnjerëzore dhe thellësisht mosrespektuese. Momente që duhej të ishin private, u kthyen në një cirk,” shkroi këngëtarja.
Foto: Dafina Zeqiri/InstaStory
Dafina shtoi se dëshiron të jetë shembull për djalin e saj dhe t’i mësojë vlerat e respektit dhe humanitetit:
“Një ditë do t’i mësoj djalit tim: këta janë njerëzit nga të cilët duhet të qëndrosh larg, ata që japin shembullin më të keq. Humaniteti nuk duhet të shitet kurrë për vëmendje”.
