Reshje të vogla bore ranë sot në zonën më të gjerë të Buenos Airesit, raportojnë mediat lokale.
Banorët e zonave të Pilar, Tigre, Moron dhe Jose Paz regjistruan këtë fenomen, të rrallë për pjesën qendrore të Argjentinës, dhe i ndanë pamjet në rrjetet sociale.
Fjollat e dëborës i habitën shumë banorë këtë mëngjes kur shkuan në punë ose për të çuar fëmijët e tyre në shkollë, raportoi faqja e internetit “Infobae”.
Shërbimi Meteorologjik deklaroi se bora ndodhi pas depërtimit të një fronti të ftohtë të dielën.
