Bruksel, 15 qershor 2025 – Qindra motoçiklistë nga Belgjika dhe vendet fqinje organizuan një karvan solidariteti në rrugët e kryeqytetit belg në mbështetje të Palestinës. Demonstrata simbolike mblodhi pjesëmarrës nga vende të ndryshme si Holanda, Gjermania dhe Franca, të cilët kishin dekoruar motoçikletat e tyre me flamuj palestinezë dhe shallë tradicionale keffiye.
Karvani nisi nga pika ikonike e qytetit, Atomiumi, ku motoçiklistët u grumbulluan përpara nisjes së procesionit. Më pas, ata përshkuan një itinerar prej 10 kilometrash nëpër rrugët kryesore të Brukselit, duke rënë borive dhe duke tërhequr vëmendjen e kalimtarëve. Ngjarja përfundoi pranë Stacionit Qendror të Trenit Bruksel-Midi.
Organizatorët e karvanit e përshkruan aksionin si një formë proteste paqësore dhe ndërgjegjësimi ndaj gjendjes humanitare në territoret palestineze.
Autoritetet lokale raportuan një atmosferë të qetë gjatë zhvillimit të ngjarjes, pa incidente të regjistruara.
Brukseli pritet të jetë sërish qendër e mobilizimit qytetar gjatë ditës së sotme, ku organizata të shumta joqeveritare dhe mijëra aktivistë pritet të marrin pjesë në tubime të tjera në mbështetje të Palestinës.
