Pas reshjeve të papritura të borës në Prishtinë, drejtori për Siguri dhe Emergjenca, Lulzim Fushtica, tha se ekipet emergjente kanë dalë në terren që nga mbrëmja e kaluar.
Sipas tij, janë regjistruar disa raste ku drunj janë rrëzuar për shkak të peshës së borës dhe lagështisë, përfshirë edhe pranë bazës së KFOR-it.
Megjithatë, asnjë rrugë nuk është e bllokuar, përfshirë edhe në zonat malore të kryeqytetit.
Qytetarët që hasin probleme mund të kontaktojnë në numrin emergjent 0800-122-33.
