Shtetet anëtare të Bashkimit Evropian janë pajtuar në parim për krijimin e një fondi të ri gjigant prej 150 miliardë eurosh, të quajtur Veprimi i Sigurisë për Evropën (SAFE), me qëllim forcimin e mbrojtjes dhe industrisë së armëve në kontinent.
Sipas “Reuters”, ky fond do të financohet përmes borxheve të përbashkëta, një hap i guximshëm që pasqyron shqetësimet në rritje për sigurinë e brendshme dhe të jashtme të Evropës. Mjetet financiare do të përdoren për t’u dhënë hua shteteve të BE-së dhe vendeve partnere si Ukraina, në funksion të projekteve që lidhen me mbrojtjen dhe zhvillimin ushtarak.
Ky zhvillim vjen në një kohë kur presioni nga Shtetet e Bashkuara, veçanërisht nga ish-presidenti Donald Trump, ka qenë i lartë. Trump ka akuzuar për vite me radhë aleatët evropianë për “mosshpenzim të mjaftueshëm” në mbrojtje, duke paralajmëruar se SHBA nuk do të mbrojë vendet që nuk kontribuojnë sa duhet.
