Banorët e Mamushës kanë bllokuar rrugën Piranë–Suharekë për shkak të ndërprerjeve të shpeshta të energjisë elektrike që po zgjasin prej një jave. Ata thanë se edhe natën e Vitit të Ri e kaluan pa rrymë, duke u përballur me vështirësi të mëdha dhe të ftohtë. Në emër të protestuesve, Nahit Bütüç kërkoi ndërhyrje urgjente nga autoritetet, duke paralajmëruar se protestat do të vazhdojnë deri në normalizimin e furnizimit me rrymë.
