Një person është arrestuar në Prizren, pasi dyshohet se ka sulmuar fizikisht zyrtarë policorë gjatë një ndalese rrugore.
Sipas njoftimit të Policisë së Kosovës, i dyshuari po drejtonte automjetin nën ndikimin e alkoolit. Gjatë ndërhyrjes së policisë, ai dyshohet se ka sulmuar fizikisht zyrtarët, duke shkaktuar lëndime trupore te njëri prej tyre.
“Është arrestuar i dyshuari mashkull kosovar, pasi që i njëjti është takuar duke drejtuar automjetin nën ndikim të alkoolit. Ndërkohë i dyshuari i ka sulmuar fizikisht zyrtarët policorë dhe si pasojë njëri prej tyre ka pësuar lëndime trupore. Me vendim të prokurorit, i dyshuari është dërguar në mbajtje”, thuhet në komunikatën e Policisë.
Rasti është në procedurë hetimore nga organet kompetente.
