Administrata e ish-Presidentit amerikan Donald Trump është duke përgatitur një sërë masash të reja ndaj Kinës, pasi Uashingtoni e akuzon Pekinin për shkelje të një marrëveshjeje tregtare mes dy vendeve.
Lajmin e bëri të ditur zëvendësshefi i stafit të Shtëpisë së Bardhë, Stephen Miller, i cili deklaroi se këto zhvillime hapin një fazë të re procedurash që synojnë garantimin e zbatimit të marrëveshjes në të ardhmen.
“Kjo hap një seri të tërë procedurash për Shtetet e Bashkuara për të siguruar pajtueshmërinë me marrëveshjen në të ardhmen,” tha Miller.
Ai shtoi se tashmë janë ndërmarrë disa masa, të tjera janë në proces, dhe disa të reja janë në shqyrtim: “Ka masa që tashmë janë marrë, ka masa që po merren aktualisht, ka masa që po shqyrtohen.”
Në deklaratën e tij, Miller paralajmëroi gjithashtu Kinën për pasojat e mundshme nëse nuk zgjedh rrugën e bashkëpunimit. “Do të ishte jashtëzakonisht e pamatur që Kina të vazhdojë në këtë rrugë në vend që të kërkojë një rrugë bashkëpunimi,” u shpreh ai.
Ky zhvillim pritet të ndikojë më tej në marrëdhëniet tregtare SHBA-Kinë, të cilat kanë qenë të tensionuara gjatë viteve të fundit për shkak të çështjeve të tarifave, teknologjisë dhe pronësisë intelektuale.
