Ministria e Punës, Familjes dhe Vlerave të Luftës Çlirimtare, në bashkëpunim me Inspektoratin Qendror të Punës, ka nisur sot një aksion të jashtëzakonshëm inspektimesh në gjithë territorin e Kosovës.
Ky aksion do të zgjasë 14 ditë dhe do të përfshijë vendpunishte të të gjitha natyrave. Inspektimet fillojnë fillimisht në Fushë-Kosovë, Prishtinë dhe Ferizaj, për t’u shtrirë më pas në të gjithë vendin.
Sipas autoriteteve, subjektet që do të kontrollohen janë të zakonshme, ndërsa qëllimi i aksionit është rritja e sigurisë në vendin e punës pas rasteve të fundit të vdekjeve.
