Britney Spears vazhdon të shkëputet nga imazhi i saj i dikurshëm si “princesha e popit”. Pas përfundimit të kujdestarisë ligjore në vitin 2021, këngëtarja duket se po e rindërton identitetin e saj publik. Së fundmi, ajo ka ndryshuar sërish emrin në Instagram, duke e vendosur: Xila Maria River Red.
Ky nuk është ndryshimi i parë – në vitin 2023 ajo ishte paraqitur si “River Red”, më pas “Maria River Red”, dhe tani ka shtuar edhe “Xila”. Edhe pse Britney nuk ka dhënë një shpjegim për kuptimin e këtij emri, disa përdorues në rrjetin X (ish-Twitter) kanë sugjeruar se “Xila” mund të ketë lidhje me gjuhën Nahuatl, një gjuhë me prejardhje nga kultura azteke.
Ky hap shihet si pjesë e përpjekjeve të Spears për t’u distancuar nga e kaluara dhe për të afirmuar një identitet të ri.
