Forca e Sigurisë së Kosovës (FSK) ka përfunduar me sukses një trajnim intensiv nga Forcat e Armatosura Turke, me fokus në përdorimin efikas të Granatahedhësit Automatik MK-19.
Gjatë trajnimit, pjesëmarrësit janë njohur me karakteristikat teknike të armës, përdorimin e saj në terren, procedurat e sigurisë dhe rolin strategjik në fushëbetejë.
Kjo iniciativë është pjesë e bashkëpunimit të vazhdueshëm ndërmjet Kosovës dhe Turqisë për avancimin e aftësive ushtarake të FSK-së.
