Një ekip i Forcës së Sigurisë së Kosovës (FSK) ka udhëtuar drejt Gazës për të kryer rikonicionin e zonës ku pritet të dislokohen trupat e saj në kuadër të një misioni paqeruajtës ndërkombëtar. Ky ekip do të bëjë vlerësimet paraprake dhe koordinimin e aktiviteteve për vendosjen e kontingjentit të FSK-së.
Gjatë vizitës, delegacioni ka zhvilluar takime me autoritete përgjegjëse dhe mekanizma ndërkombëtarë për të diskutuar integrimin e trupave, operacionet e përbashkëta dhe mbështetjen logjistike.
FSK ka theksuar përkushtimin e saj për të kontribuar në paqe dhe stabilitet global, në bashkëpunim me partnerët ndërkombëtarë.
